ലഹരി വിരുദ്ധ റാലി , ലഹരി മാഫിയ ഉറക്കം നടിക്കുന്ന സർക്കാറിനെതിരെ മുസ്‌ലിം യൂത്ത് ലീഗ് നൈറ്റ് അലർട്ട്

നാദാപുരം : വർധിച്ച് വരുന്ന ലഹരി മാഫിയയുടെ അതിക്രമങ്ങൾക്ക് പ്രതിരോധം തീർക്കേണ്ട സംസ്ഥാന സർക്കാർ ഉറക്കം നടിക്കുന്നതിനെതിരെ സംസ്ഥാന കമ്മിറ്റി ആഹ്വാനപ്രകാരം നാദാപുരം നിയോജക മണ്ഡലം മുസ്‌ലിം യൂത്ത് ലീഗ് നൈറ്റ് അലർട്ട് സംഘടിപ്പിച്ചു.

ഇന്നലെ രാത്രി 10 മണിക്ക് കല്ലാച്ചിയിൽ നിന്ന് ആരംഭിച്ച് നാദാപുരം ബസ് സ്റ്റാന്റിൽ സമാപിച്ച ലഹരിവിരുദ്ധ റാലിക്ക് നൈറ്റ് അലേർട്ട് ലഹരി വിരുദ്ധ സംഗമവും നടന്നു.മുസ്ലിം ലീഗ് നിയോജക മണ്ഡലം പ്രസിഡന്റ്മുഹമ്മദ് ബംഗ്ലത്ത് ഉദ്ഘാടനം ചെയ്തു.

കെഎം ഹംസ അധ്യക്ഷനായി. ജനറൽ സെക്രട്ടറി ഇ ഹാരിസ് സ്വാഗതവും എ എഫ് റിയാസ് നന്ദിയും പറഞ്ഞു. നൈറ്റ് അലെർട്ടിൽ സംസ്ഥാന സർക്കാരിനെതിരെയുള്ള പ്രതിഷേധം ഉയർന്നതോടൊപ്പം ലഹരി വിരുദ്ധ ബോധവത്കരണ പ്രഭാഷണങ്ങളും സംഘടിപ്പിച്ചു.

സംസ്ഥാനത്തിൻ്റെ എല്ലാ ഭാഗങ്ങളിലും ലഹരി മാഫിയ വിലസുകയാണ്. ക്യാമ്പസുകളെ കേന്ദ്രീകരിച്ച് വിദ്യാർത്ഥികളെ ലക്ഷ്യം വെച്ചാണ് ലഹരി മാഫിയ പ്രധാനമായും പ്രവർത്തിക്കുന്നത്. കേരളത്തിൽ റിപ്പോർട്ട് ചെയ്യപ്പെടുന്ന ക്രിമിനൽ കേസുകളിലെല്ലാം ലഹരി ഒരു പ്രധാന ഘടകമാണ്.

Also read: ചെയർമാൻ വയലോളി; ആൾ ഇന്ത്യ ഇസ്ലാമിക് എജുക്കേഷൻ ട്രസ്റ്റ് ഭാരവാഹികൾ

വീട്ടിലുള്ളവരെ പോലും കൊലപ്പെടുത്തുന്ന ഭീകരമായ വാർത്തകളാണ് ഓരോ ദിനവും പുറത്ത് വന്ന് കൊണ്ടിരിക്കുന്നത്. എന്നാൽ ഇതിനെ ക്രിയാത്മകമായി തടയിടേണ്ട സംസ്ഥാന സർക്കാർ നിഷ്ക്രിയരായി മാറിയിരിക്കുന്നു. ഇതിനെതിരെ നടന്ന പ്രതിഷേധത്തിൽ യുവജന രോഷം ഇരമ്പി. നൂറ് കണക്കിന് പ്രവർത്തകർ പ്രതിഷേധത്തിൽ പങ്കാളികളായി.

ലഹരി മാഫിയ വിലസുന്ന പ്രദേശങ്ങളിൽ ആവശ്യമായ ഇടപെടൽ നടത്തുന്നതിന് പൊലീസ് തയ്യാറാവുന്നില്ല എന്ന് വ്യാപകമായ പരാതി ഉയർന്നിട്ടും യാതൊരു നടപടിയും ഉണ്ടാകുന്നില്ലെന്ന് പ്രതിഷേധക്കാർ പറഞ്ഞു.

ലഹരി വിരുദ്ധ ക്യാമ്പയിന്റെ ഭാഗമായി മാർച്ച് 10മുതൽ 25 വരെയുള്ള ദിവസങ്ങളിലായി പഞ്ചായത്ത് തലങ്ങളിൽ ലഹരി വിരുദ്ധ കൂട്ടായ്മയും നടത്താൻ മുസ്‌ലിം യൂത്ത് ലീഗ് സംസ്ഥാന കമ്മിറ്റി തീരുമാനിച്ചിട്ടുണ്ട്. യുവജന സംഘടനകളെയും ക്ലബ്ബുകളെയും ഏകോപിപ്പിച്ച് ജാഗ്രതാ സമിതി രൂപീകരിക്കൽ, വിപുലമായ ഹൗസ് ക്യാമ്പയിൻ തുടങ്ങിയവ പഞ്ചായത്ത്‌തല ക്യാമ്പയിന്റെ ഭാഗമായി സംഘടിപ്പിക്കും.

നാദാപുരം ഗ്രാമ പഞ്ചായത്ത് പ്രസിഡന്റ് വി വി മുഹമ്മദലി ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. കെ കെ നവാസ്, ഉവൈസ് ഫലാഹി, സയ്യിദ് മുഹമ്മദ് അലി യമാനി, സഹദ് കണ്ടിയിൽ, വി ജലീൽ, എം കെ അഷ്‌റഫ്, സി കെ നാസർ, നിസാർ എടത്തിൽ, മുഹ്‌സിൻ വളപ്പിൽ പ്രസംഗിച്ചു.

അജ്മൽ തങ്ങൾസ്, സി മുഹമ്മദ് ഫാസിൽ, മുഹമ്മദ് പേരോട്, ഒ മുനീർ, ഇ വി അറഫാത്ത്, റഫീഖ് കക്കംവെള്ളി, എ കെ ശാക്കിർ, റാഷിക് ചങ്ങരം കുളം, കെ എം സമീർ, അൻസാർ ഓറിയോൺ തുടങ്ങിയവർ റാലിക്ക് നേതൃത്വം നൽകി.

#Muslim #Youth #League #night #alert #against #government #pretending #be #asleep #drug #mafia