നാദാപുരം :(https://nadapuram.truevisionnews.com/) ശ്രീനാരായണീയർക്ക് അഭിമാനിക്കാൻ നാദാപുരത്തിൻ്റെ മണ്ണിൽ ഗുരു മന്ദിരം ഒരുങ്ങുന്നു. എസ് എൻ ഡി പി യോഗം കല്ലാച്ചി ശാഖാ ഗുരു മന്ദിരത്തിൻ്റെ നിർമ്മാണ പ്രവർത്തനങ്ങൾ ത്വരിതപ്പെടുത്തുവാൻ ശാഖാ വിശേഷാൽ പൊതുയോഗം തീരുമാനിച്ചു.
ശാഖ സെക്രട്ടറി ഇ കുഞ്ഞിരാമനെ യോഗം പൊതുയോഗ പ്രതിനിധിയായും കാഞ്ചന കെ , വിജയ ലക്ഷ്മി കെ വി, നാരായണി വി പി , സുരേഷ് ഐ കെ , എം കെ രിജിൻ എന്നിവരെ യൂണിയൻ പൊതുയോഗ പ്രതിനിധികളായും തെരഞ്ഞെടുത്തു.
എസ് എൻ ഡി പി ഡയറക്ടർ ബോർഡ് അംഗം ബാബു പൂതംമ്പാറ പൊതുയോഗം ഉദ്ഘാടനം ചെയ്തു. എസ് എൻ ഡി പി ഡയറക്ടർ ബോർഡ് അംഗം റഷീദ് കക്കട്ടിൽ , യോഗം നേതാക്കളായ ചന്ദ്രൻ കല്ലാച്ചി, ഇ കുഞ്ഞിരാമൻ , തറക്കങ്കി ബാലൻ , സി വി നാണു, എം കേളപ്പൻ , വിജയ ലക്ഷ്മി കെ വി , വി പി നാരായണി എന്നിവർ സംസാരിച്ചു.
Sree Narayana Guru Mandir held a special public meeting in Kallachi
