നാദാപുരം: (nadapuram.truevisionnews.com) നിയമസഭാ മണ്ഡലത്തിലെ എൽഡിഎഫ് സ്ഥാനാർഥി അഡ്വ. പി. വസന്തത്തിന്റെ ഒന്നാംഘട്ട തിരഞ്ഞെടുപ്പ് പര്യടനത്തിന്റെ മൂന്നാം ദിനം ഞായറാഴ്ച ആവേശപൂർവ്വം നടക്കും.
രാവിലെ 9 മണിക്ക് കുറുവന്തേരിയിൽ നിന്നാണ് ഇന്നത്തെ പര്യടനം ആരംഭിക്കുന്നത്. തുടർന്ന് 9.30-ഓടെ ചെക്യാടും 10 മണിക്ക് പാറക്കടവിലും സ്ഥാനാർഥി വോട്ടർമാരെ നേരിൽ കാണും. ഉച്ചയ്ക്ക് മുൻപായി ആവോലം, കോടഞ്ചേരി, കോട്ടേമ്പ്രം, ഇരിങ്ങണ്ണൂർ തുടങ്ങിയ പ്രധാന കേന്ദ്രങ്ങളിൽ പര്യടനം പൂർത്തിയാക്കും.
ഉച്ചഭക്ഷണത്തിന് ശേഷമുള്ള രണ്ടാംഘട്ട പര്യടനം വൈകുന്നേരം 3.30-ന് തുരുത്തിയിൽ നിന്നാണ് പുനരാരംഭിക്കുന്നത്. തുടർന്ന് നോർത്ത്, പുതിയങ്ങാടി, കക്കംവെള്ളി എന്നിവിടങ്ങളിലെ വോട്ടർമാരെ സന്ദർശിച്ച ശേഷം 5.30-ഓടെ സ്ഥാനാർഥി നാദാപുരം ടൗണിലെത്തും.
സന്ധ്യയോടെ കുമ്മങ്കോട്, നരിക്കാട്ടേരി, കല്ലാച്ചി എന്നിവിടങ്ങളിലൂടെ സഞ്ചരിച്ച് രാത്രി 7.30-ന് വിഷ്ണുമംഗലത്ത് വെച്ച് ഇന്നത്തെ പര്യടനത്തിന് സമാപനം കുറിക്കും. വൻ ജനപങ്കാളിത്തത്തോടെ സ്ഥാനാർഥിയെ സ്വീകരിക്കാനുള്ള ഒരുക്കത്തിലാണ് മണ്ഡലത്തിലെ പ്രവർത്തകർ.
Adv. P. Vasantham's first leg of tour will conclude today
