#Latest News #Edachery #Police Case
എടച്ചേരി: (nadapuram.truevisionnews.com) കാർ ഓട്ടോറിക്ഷയിൽ ഇടിച്ചതിനെത്തുടർന്നുള്ള തർക്കത്തിൽ യുവാവിനെ സംഘം ചേർന്ന് മർദ്ദിച്ചതായി പരാതി. ജാതിയേരി പുളിയാവ് മതറ്റിൽ അജ്മൽ (32)നാണ് മർദ്ദനമേറ്റത്.
സംഭവത്തിൽ അജ്മലിന്റെ പിതാവ് യൂസഫ് നൽകിയ പരാതിയുടെ അടിസ്ഥാനത്തിൽ കണ്ടാലറിയാവുന്ന 8 പേർക്കെതിരെ എടച്ചേരി പോലീസ് കേസെടുത്തു.കഴിഞ്ഞ ജൂൺ 17-ാം തീയതി വൈകിട്ട് ആറുമണിയോടെ നീലേച്ചുകുന്നിലാണ് സംഭവം.
അജ്മൽ ഓടിച്ച കാർ ഒരു ഓട്ടോറിക്ഷയിൽ ഇടിച്ചതാണ് സംഭവങ്ങളുടെ തുടക്കം. വാഹനം നിർത്താതെ പോയി എന്നാരോപിച്ച് പിന്നാലെ എത്തിയ എട്ടംഗ സംഘം അജ്മലിനെ തടഞ്ഞുനിർത്തുകയായിരുന്നു.
തുടർന്ന് പ്രതികൾ അജ്മലിനെ കൈകൊണ്ട് അടിച്ചും ചവിട്ടിയും പരിക്കേൽപ്പിച്ചു എന്നാണ് പരാതി. സംഭവത്തിൽ എടച്ചേരി പോലീസ് കേസെടുത്ത് അന്വേഷണം ആരംഭിച്ചു.
Content Highlight: Dispute over car hitting autorickshaw
