നാദാപുരം: (nadapuram.truevisionnews.com) എസ് എസ് എഫ് അമ്പത്തി രണ്ടാം സ്ഥാപക ദിനത്തിൻ്റെ ഭാഗമായി നാദാപുരം ഡിവിഷൻ കമ്മിറ്റിയുടെ നേതൃത്വത്തിൽ ജനറേഷൻ ഡയലോഗ് സംഘടിപ്പിച്ചു.
വിദ്യാർത്ഥികൾ നന്മയുടെ വഴിയെ സഞ്ചരിക്കണമെന്നും , ജീവനോടെ പിടഞ്ഞ് മരിക്കുന്ന പലസ്‌തീനിലെ മനുഷ്യരെ ഓർക്കൽ മനുഷ്യപറ്റിൻ്റെ ഭാഗമാണെന്നും സന്ദേശ പ്രഭാഷണത്തിൽ പ്രവർത്തകർക്ക് ഉൽബോധനം നൽകി.
മെയ് മാസത്തിൽ "നമ്മൾ മാറുന്നു" എന്ന പ്രമേയത്തിൽ സെക്ടറുകളിൽ നടക്കേണ്ട സോഷ്യൽ അസംബ്ലിയുടെ ഭാഗമായി രൂപീകരിച്ച Izza Code അംഗങ്ങൾ അണി നിരന്ന സ്റ്റുഡൻ്റ്സ് മാർച്ചും പരിപാടിയുടെ ഭാഗമായി നടന്നു.
സംഗമത്തിൽ എസ് എസ് എഫ് നാദാപുരം ഡിവിഷൻ പ്രസിഡണ്ട് ഫള്ൽ സുറൈജി സഖാഫിയുടെ അധ്യക്ഷതയിൽ എസ് വൈ എസ് കോഴിക്കോട് ജില്ല ജനറൽ സെക്രട്ടറി മുനീർ സഖാഫി ഓർക്കാട്ടേരി ഉദ്ഘാടന പ്രഭാഷണം നടത്തി .
എസ് എസ് എഫ് കോഴിക്കോട് ജില്ലാ എക്സിക്യൂട്ടീവ് അംഗം മുബശ്ശിർ സുറൈജി സഖാഫി കൈപ്പുറം വിഷയാവതരണം നടത്തി. ഡിവിഷൻ സെക്രട്ടറി റഈസ് വാണിമേൽ ആമുഖ ഭാഷണം നടത്തി.
ഡിവിഷൻ ജനറൽ സെക്രട്ടറി ഹിഷാം അഹ്മദ് സ്വാഗതവും മുബഷിർ വാണിമേൽ നന്ദിയും പറഞ്ഞു.
#generation #dialog #concluded
.jpg)
