വടകര: (nadapuram.truevisionnews.com) പാർകോ ഹോസ്പിറ്റലുമായി ബന്ധപ്പെട്ട് സമൂഹമാധ്യമങ്ങളിൽ പ്രചരിക്കുന്ന സന്ദേശങ്ങളിൽ വിശദീകരണവുമായി മാനേജ്മെന്റ്.
പാർകോയും ഇഖ്റയും തമ്മിലുള്ള സഹകരണത്തിൽ നിന്ന് ഇരുവരും സൗഹൃദപരമായാണ് പിൻവാങ്ങിയതെന്നും പാർകോ മാനേജ്മെന്റിന്റെ നേതൃത്വത്തിൽ പാർകോ ഹോസ്പിറ്റൽ മികച്ച രീതിയിൽ മുന്നോട്ടുപോവുകയാണെന്നും മാനേജ്മെന്റ് വ്യക്തമാക്കി.
നിലവിലുള്ള ഡോക്ടർമാരുടെ സേവനത്തിന്റെ കാര്യത്തിലോ ചികിത്സാ നിരക്കിലോ ഇളവുകളുടെ കാര്യത്തിലോ മാറ്റം ഉണ്ടായിട്ടില്ല. ഇത് വരെ ജനങ്ങൾക്ക് പാർകോ- ഇഖ്റ ഹോസ്പിറ്റലിൽ കിട്ടിയിരുന്ന ഡോക്ടർമാരുടെ സേവനങ്ങളും സൗജന്യങ്ങളും തുടർന്നും പാർകോയിൽ ലഭ്യമായിരിക്കും.
പാർകോയുടെ ലക്ഷ്യം ലോകോത്തര ചികിത്സ കുറഞ്ഞ ചിലവിൽ സാധാരണ ജനങ്ങളിലേക്ക് എത്തിക്കുക എന്നതാണ്. ആ ഉത്തരവാദിത്വം പാർകോ തുടർന്നും നിറവേറ്റുന്നതുമായിരിക്കുമെന്നും അധികൃതർ വ്യക്തമാക്കി.
വ്യാജ പ്രചാരണം നടത്തുന്നവർക്കെതിരെ പാർകോ മാനേജ്മെന്റ് സൈബർ സെല്ലുമായി ബന്ധപ്പെട്ട് കർശന നടപടി സ്വീകരിച്ചു വരികയുമാണ് എന്നും മാനേജ്മെൻ്റ് കൂട്ടിച്ചേർത്തു.
പാർകോ അധികൃതരുടെ വിശദീകരണ കുറിപ്പ് ഇങ്ങനെ......... പ്രിയരേ, പാർകോ ഹോസ്പിറ്റലിനെ കുറിച്ച് സമൂഹമാധ്യമങ്ങളിൽ തെറ്റായ സന്ദേശം പ്രചരിക്കുന്നതായി ശ്രദ്ധയിൽ പെടുകയുണ്ടായി. ഈ സാഹചര്യത്തിൽ യഥാർത്ഥ വസ്തുത ബഹുമാന്യരായ പൊതുജനങ്ങളെ അറിയിക്കുകയാണ്.
പാർകോയും ഇഖ്റയും തമ്മിലുള്ള സഹകരണത്തിൽ നിന്ന് ഇരുവരും സൗഹൃദപരമായാണ് പിൻവാങ്ങിയത്. തുടർന്ന് പാർകോ മാനേജ്മെന്റിന്റെ നേതൃത്വത്തിൽ പാർകോ ഹോസ്പിറ്റൽ പൂർവ്വാധികം ശക്തമായി മുന്നോട്ടുപോവുകയാണ്.
നിലവിലുള്ള ഡോക്ടർമാരുടെ സേവനത്തിന്റെ കാര്യത്തിലോ ചികിത്സാ നിരക്കിലോ ഇളവുകളുടെ കാര്യത്തിലോ യാതൊരു മാറ്റവും ഉണ്ടായിട്ടില്ല. ഇത് വരെ ജനങ്ങൾക്ക് പാർകോ- ഇഖ്റ ഹോസ്പിറ്റലിൽ കിട്ടിയിരുന്ന ഡോക്ടർമാരുടെ സേവനങ്ങളും സൗജന്യങ്ങളും തുടർന്നും പാർകോയിൽ ലഭ്യമായിരിക്കുന്നതാണ്.
പാർകോയുടെ ലക്ഷ്യം ലോകോത്തര ചികിത്സ കുറഞ്ഞ ചിലവിൽ സാധാരണ ജനങ്ങളിലേക്ക് എത്തിക്കുക എന്നതാണ്. ആ ഉത്തരവാദിത്വം പാർകോ തുടർന്നും നിറവേറ്റുന്നതുമായിരിക്കുമെന്ന് ഉറപ്പുനൽകുന്നതോടൊപ്പം ആരോഗ്യരംഗത്ത് സാധാരണക്കാരുടെ ആശ്രയമായി കരുത്തോടെ മുന്നേറാൻ എന്നും നിങ്ങളുടെ സഹകരണവും പിന്തുണയും ഉണ്ടാവണമെന്ന് അഭ്യർത്ഥിക്കുന്നു.
കൂടാതെ നിലവിൽ പാർകോ മറ്റ് ഹോസ്പിറ്റലുകളുമായി യാതൊരു വിധ ചർച്ചകളും നടത്തിയിട്ടില്ല. ഇങ്ങനെ വ്യാജ പ്രചാരണം നടത്തുന്നവർക്കെതിരെ പാർകോ മാനേജ്മെന്റ് സൈബർ സെല്ലുമായി ബന്ധപ്പെട്ട് കർശന നടപടി സ്വീകരിച്ചു വരികയുമാണ്.......എന്ന്, പാർകോ ഹോസ്പിറ്റൽ മാനേജ്മെന്റ്
#Management #clarification #social #media #messages
