നാദാപുരം: (nadapuram.truevisionnews.com) പതിനാല് ലക്ഷം രൂപയുടെ സമ്മാനങ്ങൾക്ക് അർഹമായെന്ന വ്യാജ സന്ദേശം പുറമേരി സ്വദേശിനിക്ക് 1.75 ലക്ഷം രൂപ നഷ്ടമായി.
പരാതിക്കാരിയായ പുറമേരി സ്വദേശിനിയുടെ മാതാവ് ഓൺലൈൻ ഷോപ്പിംഗ് നറുക്കെടുപ്പിൽ 14.80 ലക്ഷം രൂപ സമ്മാനം നേടിയെന്ന് വിശ്വസിപ്പിക്കുയും നികുതി അടക്കണം എന്നാവശ്യപ്പെട്ട് പല തവണകളായി യുവതിയിൽ നിന്ന് ലക്ഷങ്ങൾ തട്ടി എടുക്കുകയുമായിരുന്നു.
പണം നൽകി ദിവസങ്ങൾ കഴിഞ്ഞിട്ടും ലക്ഷങ്ങളുടെ സമ്മാനം ലഭിക്കാതായതോടെയാണ് തട്ടിപ്പിനിരയായതായി യുവതിക്കു മനസ്സിലായത്.
തുടർന്ന് സൈബർ സെല്ലിലും നാദാപുരം പോലീസിലും പരാതി നൽകുകയായിരുന്നു. സംഭവിൽ രമേഷ് കുമാർ, സോഹൻ കുമാർ, ജസ്പ്രീത് സിംഗ് എന്നിവർക്കെതിരെ പോലീസ് കേസ് രജിസ്റ്റർ ചെയ്തു.
രണ്ട് മാസത്തിനിടെ നാദാപുരം മേഖലയിൽ 10 ലക്ഷത്തോളം രൂപയാണ് ഓൺ ലൈൻ തട്ടിപ്പ് സംഘം കൈക്കലാക്കിയത്.
#onlinefraud #1.75 #lakh #rupees #lost #native #Pumaari
