#Latest News #Nadapuram #Sargavedi Literary Society
നാദാപുരം: (nadapuram.truevisionnews.com) സർഗവേദി സാഹിത്യ കൂട്ടത്തിന്റെ ആഭിമുഖ്യത്തിൽ സംഘടിപ്പിച്ച ഗൃഹാങ്കണ സംഗമം വൈവിധ്യമാർന്ന പരിപാടികളോടെ പ്രൗഢഗംഭീരമായി നടന്നു.
കവി പുഷ്പഹരിദാസ് ചടങ്ങ് ഔദ്യോഗികമായി ഉദ്ഘാടനം ചെയ്തു. കവി പ്രേമൻ തണൽ അധ്യക്ഷത വഹിച്ച ചടങ്ങിൽ വെച്ച് സമൂഹത്തിന്റെ വിവിധ മേഖലകളിൽ തനത് വ്യക്തിമുദ്ര പതിപ്പിച്ച പ്രമുഖരെ സർഗവേദി ആദരിക്കുകയുണ്ടായി.
സൈനിക സേവനത്തിന് ശേഷം വിരമിച്ച് നാട്ടിലെത്തിയ ധീരജവാൻ ദിനേഷ് സി.പി, ആരോഗ്യ വകുപ്പിൽ നിന്നും വിരമിച്ച കവി പുഷ്പഹരിദാസ്, പ്രവാസ ജീവിതം അവസാനിപ്പിച്ച് നാട്ടിൽ തിരിച്ചെത്തിയ നഴ്സും കവിയുമായ സൗമ്യ ജോമോൻ എന്നിവരെയാണ് ചടങ്ങിൽ വെച്ച് പൊന്നാടയണിയിച്ച് ആദരിച്ചത്.
ഇതിനൊപ്പം സർഗവേദി സംഘടിപ്പിച്ച തിരഞ്ഞെടുപ്പ് പ്രവചന മത്സരത്തിലെ വിജയികളായ രമേഷ് വാണിമേൽ, സൗമ്യ ജോമോൻ എന്നിവർക്കുള്ള സമ്മാനദാനവും വേദിയിൽ വെച്ച് നിർവ്വഹിച്ചു.
സംഗമത്തിൽ വിനീത ദിനേശ്, വിനീഷ് പച്ചപാലം, ചന്ദ്രൻ കുമ്പളച്ചോല, സുരേന്ദ്രൻ പച്ചപാലം, സുധ എ.പി, പ്രസാദ് ചെറുക്കാട്, ഷൈജു കെ.കെ, ബിനീഷ് കൈപ്രം, സുവർണ അനീഷ് എന്നിവർ ആശംസകൾ നേർന്ന് സംസാരിച്ചു.
ഔദ്യോഗിക ചടങ്ങുകൾക്ക് ശേഷം സർഗവേദിയിലെ കലാകാരന്മാർ അണിയിച്ചൊരുക്കിയ ജനപ്രിയ ഗാനങ്ങൾ ഉൾപ്പെടുത്തിയ പാട്ടരങ്ങും മറ്റ് വൈവിധ്യമാർന്ന കലാപരിപാടികളും അരങ്ങേറി. നാട്ടുകാരും സാഹിത്യപ്രേമികളും ഉൾപ്പെടെ നിരവധി പേരാണ് ഗൃഹാങ്കണ സംഗമത്തിൽ പങ്കെടുത്തത്.
Content Highlight: A home gathering of the Sargavedi Literary Association was held
