#Latest News #Thuneri Theft #Antique Vessels #Nadapuram
നാദാപുരം: (nadapuram.truevisionnews.com) തൂണേരി വേറ്റുമ്മലിലെ തറവാട്ടു വീട്ടിൽ നിന്നും ലക്ഷക്കണക്കിന് രൂപ വിലമതിക്കുന്ന പുരാതന പാത്രങ്ങൾ കവർന്നതായി പരാതി. തൂണേരി വേറ്റുമ്മലിലെ 'പുതിയെടുത്ത്' എന്ന തറവാട്ടു വീടിന്റെ മുകൾ നിലയിൽ സൂക്ഷിച്ചിരുന്ന ഏകദേശം ഒന്നര ലക്ഷം രൂപ വിലവരുന്ന പാത്രങ്ങളാണ് മോഷണം പോയതെന്ന് പരാതിയിൽ പറയുന്നു.
സംഭവത്തിൽ ഉടമസ്ഥനായ ആകാശ് വീട്ടിൽ കുഞ്ഞപ്പ നമ്പ്യാർ നൽകിയ പരാതിയിൽ നാദാപുരം പോലീസ് കേസെടുത്തു. ഒരു വലിയ ഓട്ടുരുളി, ചെറിയ ഓട്ടുരുളി, രണ്ട് ഓട്ടു കിണ്ടികൾ, ഒരു വലിയ ചെമ്പ് പാത്രം എന്നിവയാണ് നഷ്ടപ്പെട്ടതെന്ന് പരാതിയിൽ പറയുന്നു.
ജൂലൈ 17-നും ജൂലൈ 23-നും ഇടയിലുള്ള സമയത്ത് മോഷണം നടന്നതായാണ് പരാതിയിൽ പറയുന്നത്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.
Content Highlight: Antique Vessels Worth 1.5 Lakh Stolen From Thuneri Ancestral House
