നാദാപുരം: (nadapuram.truevisionnews.com) കോഴിക്കോട് നടക്കുന്ന കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ സംസ്ഥാന സമ്മേളനത്തിന്റെ മുന്നോടിയായി തൂണേരി ബ്ലോക്ക് കമ്മിറ്റിയുടെ നേതൃത്വത്തിൽ "മെഡിസെപ്പ് - ആകുലതകളും പ്രതിവിധികളും" എന്ന വിഷയത്തിൽ ചർച്ച സംഘടിപ്പിച്ചു.
നാദാപുരം പെൻഷൻ ഭവനിൽ നടന്ന പരിപാടി ജില്ലാ വൈസ് പ്രസിഡന്റ് കെ.വി. രാഘവൻ ഉദ്ഘാടനം ചെയ്തു. ആരോഗ്യ ഇൻഷുറൻസ് പദ്ധതിയായ മെഡിസെപ്പുമായി ബന്ധപ്പെട്ട് പെൻഷൻകാർ നേരിടുന്ന ആശങ്കകളും അവയ്ക്കുള്ള പരിഹാരമാർഗ്ഗങ്ങളുമാണ് ചർച്ചയിൽ പ്രധാനമായും ഉയർന്നുവന്നത്.
ബ്ലോക്ക് പ്രസിഡന്റ് ടി.കെ. രാഘവൻ അധ്യക്ഷത വഹിച്ച ചടങ്ങിൽ അഡ്വ. ഹരീഷ് ഇ. കാരയിൽ വിഷയാവതരണം നടത്തി. പരിപാടിയോടനുബന്ധിച്ച് നടന്ന ലൈബ്രറി വിതരണോദ്ഘാടനം ജില്ലാ വൈസ് പ്രസിഡന്റ് എൻ.കെ. ബാലകൃഷ്ണൻ നിർവ്വഹിച്ചു.
ബ്ലോക്ക് സെക്രട്ടറി കെ. ഹേമചന്ദ്രൻ, പി. കരുണാകരകുറുപ്പ്, എം.പി. സഹദേവൻ എന്നിവരുൾപ്പെടെ സംഘടനയുടെ വിവിധ ഭാരവാഹികളും പ്രവർത്തകരും ചർച്ചയിൽ പങ്കെടുത്ത് സംസാരിച്ചു. സംസ്ഥാന സമ്മേളനത്തിന്റെ ഭാഗമായുള്ള അനുബന്ധ പരിപാടിയായാണ് ഈ ചർച്ചാ സംഗമം സംഘടിപ്പിച്ചത്.
MediSep held a discussion in Thuneri to seek solutions to the concerns of pensioners
