#LATEST NEWS #Vadakara #Stolen
വടകര: (https://vatakara.truevisionnews.com/) വടകരയിൽ ഒരേ ദിവസം രണ്ട് വ്യത്യസ്ത സ്ഥലങ്ങളിൽ നിന്നായി കാറും സ്കൂട്ടറും മോഷ്ടിക്കപ്പെട്ടു. വടകര ഫിംഗർ പ്രിന്റ് ബ്യൂറോയുടെ കോമ്പൗണ്ടിൽ നിർത്തിയിട്ടിരുന്ന സ്കൂട്ടറും, വടകര റെയിൽവേ സ്റ്റേഷന് സമീപത്തുനിന്ന് മാരുതി സ്വിഫ്റ്റ് കാറുമാണ് മോഷ്ട്ടാക്കൾ കവർന്നത്. രണ്ട് സംഭവങ്ങളിലും പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
പൊന്മേരി പറമ്പിൽ 'ചാത്തോത്ത് മീത്തൽ' വീട്ടിൽ സുരേഷ് കുമാറിന്റെ KL 18 U 2228 നമ്പറിലുള്ള സ്കൂട്ടറാണ് വടകര ഫിംഗർ പ്രിന്റ് ബ്യൂറോയുടെ കോമ്പൗണ്ടിൽ നിന്ന് മോഷണം പോയത്. മേയ് 20-ന് രാവിലെ 08:40-നും മേയ് 21-ന് രാവിലെ 11:00 മണിക്കും ഇടയിലുള്ള സമയത്താണ് സംഭവം. കോമ്പൗണ്ടിൽ പാർക്ക് ചെയ്തിരുന്ന സ്കൂട്ടർ മോഷ്ടിക്കപ്പെടുകയായിരുന്നു എന്നാണ് പരാതിയിൽ പറയുന്നത് .
ഒഞ്ചിയം സ്വദേശി നടുക്കണ്ടിയിൽ അമർത്യാഗിന്റെ പിതാവിന്റെ ഉടമസ്ഥതയിലുള്ള KL 18 AA 8548 നമ്പർ മാരുതി സ്വിഫ്റ്റ് കാറാണ് മറ്റൊരു സംഭവത്തിൽ മോഷണം പോയത്. വടകര റെയിൽവേ സ്റ്റേഷന് സമീപമുള്ള റെയിൽവേ ഗേറ്റിന് പടിഞ്ഞാറ് വശം പാർക്ക് ചെയ്തിരുന്നതായിരുന്നു വാഹനം. മേയ് 19-ന് രാത്രി 09:15-നും മേയ് 20-ന് രാവിലെ 11:00 മണിക്കും ഇടയിലാണ് കവർച്ച നടന്നിരിക്കുന്നത്.
ഒരേ ദിവസത്തെ സമയപരിധിക്കുള്ളിൽ വടകരയിലെ പ്രധാന കേന്ദ്രങ്ങളിൽ നിന്ന് രണ്ട് വാഹനങ്ങൾ മോഷണം പോയത് പ്രദേശവാസികളെ ആശങ്കയിലാഴ്ത്തിയിട്ടുണ്ട്. . പരിസരങ്ങളിലെ സിസിടിവി ദൃശ്യങ്ങൾ കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്.
Content Highlights:- Vehicles Stolen in Vadakara: Scooter Lifted from Fingerprint Bureau and Car from Near Railway Gate
