#Latest News #Nadapuram #Two-day Camp #Gathering Of Bedridden Patients
നാദാപുരം: (nadapuram.truevisionnews.com) ജീവിതത്തിന്റെ പ്രതിസന്ധികളിൽ തളർന്നുപോയ കിടപ്പുരോഗികൾക്ക് ആശ്വാസവും കരുതലും പകരാൻ നാദാപുരം പാലിയേറ്റീവ് കെയറും ടി.ഐ.എം കമ്മിറ്റിയും സംയുക്തമായി 'കിടപ്പുരോഗി സംഗമ' ത്തിന് ഇന്ന് തുടക്കം.
ഇന്നും നാളെയുമായി നാദാപുരം ടി.ഐ.എം ട്രെയിനിംഗ് കോളേജിലാണ് ഈ ദ്വിദിന ക്യാമ്പ് സംഘടിപ്പിക്കുന്നത്. രോഗാവസ്ഥയിൽ കഴിയുന്നവർക്ക് മാനസികമായ ഉന്മേഷവും സമാശ്വാസവും നൽകുക എന്ന ലക്ഷ്യത്തോടെയാണ് ഇത്തരമൊരു സംഗമം ഒരുക്കുന്നത്.
ജീവിതയാത്രയിലെ അപ്രതീക്ഷിത ദുരന്തങ്ങളാൽ ദുരിതത്തിലായവരെ ചേർത്തുനിർത്താനും അവരുടെ ജീവിതത്തിൽ സന്തോഷം പകരാനും ഈ ക്യാമ്പ് വേദിയാകും. പ്രസ്തുത പരിപാടിയിലേക്ക് നാദാപുരം പാലിയേറ്റീവ് കെയറും ടി.ഐ.എം കമ്മിറ്റിയും ചേർന്ന് പൊതുജനങ്ങളെ ക്ഷണിക്കുന്നു.
രോഗികൾക്ക് കരുതലിന്റെ സ്പർശമേകാൻ ഏവരും ഈ സംഗമത്തിൽ പങ്കുചേരണമെന്ന് സ്വാഗതസംഘം ചെയർമാൻ വി.സി. ഇഖ്ബാലും കൺവീനർ ഏരത്ത് റഹീമും അറിയിച്ചു.
Content Highlight: Two-day bedridden patient gathering camp begins today in Nadapuram
#Latest News #Nadapuram #Two-day Camp #Gathering Of Bedridden Patients
