#Latest News #Life Saving Training #CEPEC #Angels #Orkatteri
ഓർക്കട്ടേരി: (vatakara.truevisionnews.com) സോഷ്യലിസ്റ്റ് എംപ്ലോയീസ് ആന്റ് പെൻഷനേഴ്സ് സെന്ററിന്റെ (സീപെക്) ആഭിമുഖ്യത്തിൽ ഓർക്കട്ടേരിയിൽ അടിസ്ഥാന ജീവൻ രക്ഷാ പരിശീലന പരിപാടി സംഘടിപ്പിച്ചു. 'എയ്ഞ്ചൽസ്' എന്ന സന്നദ്ധ സംഘടനയുടെ സഹകരണത്തോടെ നടത്തിയ പരിശീലന പരിപാടി എയ്ഞ്ചൽസ് എക്സിക്യൂട്ടീവ് ഡയറക്ടർ പി.പി. രാജൻ ഉദ്ഘാടനം ചെയ്തു.
അപകടങ്ങളോ മറ്റ് അടിയന്തര ഘട്ടങ്ങളോ ഉണ്ടാകുമ്പോൾ ശാസ്ത്രീയമായി പ്രഥമശുശ്രൂഷ നൽകി എങ്ങനെ ജീവൻ രക്ഷിക്കാം എന്നതിനെക്കുറിച്ചാണ് ക്യാമ്പിൽ പരിശീലനം നൽകിയത്. സീപെക് ചെയർമാൻ തില്ലേരി ഗോവിന്ദൻ അധ്യക്ഷത വഹിച്ച ചടങ്ങിൽ പ്രമുഖ നേതാക്കളായ പി. രമേഷ് ബാബു, എം. വിജയൻ, ടി. എൻ. കെ. ശശീന്ദ്രൻ, എം. കെ. കുഞ്ഞിരാമൻ, എം. ആർ. വിജയൻ, പി. കെ. രാജൻ എന്നിവർ സംസാരിച്ചു.
എയ്ഞ്ചൽസ് മെഡിക്കൽ കെയർ ട്രെയിനർമാരായ ഷാജി പടത്തല, ഷിജു തയ്യിൽ എന്നിവരാണ് പങ്കെടുത്തവർക്കായി പരിശീലന ക്ലാസുകൾക്ക് നേതൃത്വം നൽകിയത്.
Content Highlight: Basic Life Saving Training Camp Orkatteri CEPEC Angels
#Latest News #Life Saving Training #CEPEC #Angels #Orkatteri
