വളയം: (nadapuram.truevisionnews.com) കാലിക്കൊളുമ്പിൽ പൊരുന്നംപിലായിൽ രാത്രിയുടെ മറവിൽ സാമൂഹ്യവിരുദ്ധർ വ്യാപകമായ കൃഷിനാശം വരുത്തി. പ്രദേശവാസിയായ നിഷയുടെ ഉടമസ്ഥതയിലുള്ള കൃഷിയിടത്തിൽ അതിക്രമിച്ചു കയറിയ സംഘം വിളവെടുപ്പിന് പാകമായ ഇരുപതോളം വാഴകൾ വെട്ടിനശിപ്പിച്ചു.
വാഴകൾക്ക് പുറമെ, കൃഷി ആവശ്യത്തിനായി ഉപയോഗിക്കുന്ന വാട്ടർ മോട്ടോറിന്റെ പൈപ്പുകളും അക്രമികൾ തകർത്തിട്ടുണ്ട്. കഠിനാധ്വാനത്തിലൂടെ വളർത്തിയെടുത്ത കൃഷിയും അതിനായുള്ള സജ്ജീകരണങ്ങളും നശിപ്പിക്കപ്പെട്ടത് വലിയ സാമ്പത്തിക നഷ്ടമാണ് നിഷയ്ക്ക് ഉണ്ടാക്കിയിരിക്കുന്നത്.
സംഭവത്തിൽ പ്രതിഷേധം രേഖപ്പെടുത്തിയ നാട്ടുകാർ, കുറ്റവാളികളെ എത്രയും വേഗം കണ്ടെത്തി നിയമത്തിന് മുന്നിൽ കൊണ്ടുവരണമെന്ന് ആവശ്യപ്പെട്ടു. ഇതുസംബന്ധിച്ച് വളയം പോലീസിൽ പരാതി നൽകിയിട്ടുണ്ട്.
പോലീസ് സ്ഥലത്തെത്തി പ്രാഥമിക അന്വേഷണം ആരംഭിച്ചു.
Around twenty bananas were cut down and destroyed in a farm in Valayam.
.jpeg)
.jpeg)
