വാണിമേൽ: പരിശുദ്ധ ഖുർആൻ പൂർണ്ണമായി മനഃപാഠമാക്കി ഹാഫിള് പദവി കരസ്ഥമാക്കിയ റാദിനെ എസ്.വൈ.എസ് - എസ്.എസ്.എഫ് ലെറ്റ്സ് സ്മൈൽ ചേലമുക്ക് യൂണിറ്റ് പ്രവർത്തകർ അനുമോദിച്ചു. മതപഠന രംഗത്ത് റാദിൻ കൈവരിച്ച ഈ മഹത്തായ നേട്ടം കുടുംബത്തിനും നാടിനും വലിയ അഭിമാനമാണെന്ന് ചടങ്ങിൽ സംസാരിച്ചവർ അഭിപ്രായപ്പെട്ടു.
ചേലമുക്കിൽ നടന്ന അനുമോദന ചടങ്ങിൽ കേരള മുസ്ലിം ജമാഅത്ത് വാണിമേൽ സർക്കിൾ സെക്രട്ടറി മുഹമ്മദലി മാസ്റ്റർ ഉദ്ഘാടനം നിർവ്വഹിച്ചു. എസ്.എസ്.എഫ് ജില്ലാ എക്സിക്യൂട്ടീവ് അംഗം വി.കെ. റഈസ് ഹാദി, മുഹമ്മദ് ശബീർ സഖാഫി, മൂസ ഹാജി, ആദിൽ വി.കെ എന്നിവർ സംബന്ധിച്ചു. റാദിന്റെ ഈ നേട്ടം യുവതലമുറയ്ക്ക് വലിയൊരു പ്രചോദനമാണെന്നും ഇത്തരം പഠനമികവുകളെ പ്രോത്സാഹിപ്പിക്കേണ്ടത് സമൂഹത്തിന്റെ കടമയാണെന്നും നേതാക്കൾ കൂട്ടിച്ചേർത്തു.
The country's praise for the achievement of memorizing the Quran
