പുറമേരി: (nadapuram.truevisionnews.com) കേരള പ്രവാസിസംഘം പുറമേരി മേഖലാ കുടുംബ സംഗമം ആവേശകരമായി നടന്നു. പരിപാടിയുടെ ഉദ്ഘാടനം ജില്ലാ പ്രസിഡന്റ് കെ. സജീവ് കുമാർ നിർവഹിച്ചു. വരാനിരിക്കുന്ന തിരഞ്ഞെടുപ്പിൽ കുറ്റ്യാടി മണ്ഡലം എൽഡിഎഫ് സ്ഥാനാർത്ഥി കെ.പി കുഞ്ഞമ്മദ് കുട്ടിയുടെ വിജയത്തിനായി സജീവമായി രംഗത്തിറങ്ങാൻ സംഗമം ഏകകണ്ഠമായി തീരുമാനമെടുത്തു.
ടി. സുനിൽ അധ്യക്ഷത വഹിച്ച ചടങ്ങിൽ തൂണേരി ബ്ലോക്ക് പഞ്ചായത്ത് സ്ഥിരംസമിതി അധ്യക്ഷ രമ മടപ്പള്ളി, പ്രവാസി സംഘം ജില്ലാ കമ്മിറ്റി അംഗം കെ.പി അശോകൻ, സീന കരുവന്താരി എന്നിവർ സംസാരിച്ചു.
പി.കെ ബാബു സ്വാഗതവും ശശീന്ദ്രൻ നന്ദിയും രേഖപ്പെടുത്തി. പ്രവർത്തനങ്ങൾ ഏകോപിപ്പിക്കുന്നതിനായി 13 അംഗ വനിതാ സബ് കമ്മിറ്റിക്കും രൂപം നൽകി. ആർ.എം അമിത (പ്രസിഡന്റ്), പി.കെ സീന (വൈസ് പ്രസിഡന്റ്), എസ്.എൻ ഷാലിബ (സെക്രട്ടറി), പി.ടി.കെ റീജ (ജോയിന്റ് സെക്രട്ടറി), പി. ലിജിഷ (ട്രഷറർ) എന്നിവരെ ഭാരവാഹികളായി തിരഞ്ഞെടുത്തു.
Expatriate support for KP Kunjhammad's child in Kuttiadi
.jpeg)
