#LATEST NEWS #PANUR #LAUNDERING CASE #EDACHERY
എടച്ചേരി: (nadapuram.truevisionnews.com) ബൈക്ക് യാത്രികനെ മർദിച്ച് വീഴ്ത്തി ഒമ്പത് ലക്ഷം രൂപ കവർന്ന സംഭവത്തിൽ ഇന്നലെ അറസ്റ്റ് ചെയ്ത ക്വട്ടേഷൻ സംഘത്തിലെ പ്രതിയെ കോടതി റിമാൻഡ് ചെയ്ത്. പാനൂർ വിളക്കോട്ടൂർ തുവക്കുന്ന് സ്വദേശി നിട്ടൂർ വലിയത്ത് വീട്ടിൽ എൻ.പി സുബിൻ (34) നെയാണ് കോടതി രണ്ട് ആഴ്ചത്തേക്ക് റിമാൻഡ് ചെയ്തത്.
എടച്ചേരി എസ്. ഐ മെൽബിൻ ജോസും സംഘവുമാണ് അറസ്റ്റ് ചെയ്തത്. ജനുവരി 19ന് വടകര നടക്കു താഴെ സ്വദേശി കൊയിലോത്ത് താഴെകുനി ഇബ്രാഹിമി ന്റെ ബൈക്ക് തടഞ്ഞാണ് പ്രതികൾ പണം കവർന്നത്. ബൈക്കിൽ എടച്ചേരിയിൽ നിന്നും ഇരിങ്ങണ്ണൂർ ഭാഗത്തേക്ക് പോകുകയായിരുന്ന ഇബ്രാഹിമിനെ ആലിശേരി പുത്തൻ പള്ളിക്ക് സമീപം തടഞ്ഞ് ബലമായി കാറിൽ കയറ്റി പണം തട്ടിയെടുത്ത് ഇറക്കി വിട്ടെന്നായിരുന്നു പരാതി.
സംഭവത്തിൽ നേരത്തെ വധശ്രമം ഉൾപ്പെടെയുള്ള കേസുകളിൽ പ്രതികളായ രണ്ട് ബി.ജെ.പി പ്രവർത്തകർ അറസ്റ്റിലായിരുന്നു. തലശ്ശേരി കണ്ണവം സ്വദേശി തൈക്കണ്ടിയിൽ എൻ. നിഖിൽ(30), പാനൂർ കൊട്ടയോടി പത്തായ ക്കുന്ന് സ്വദേശി രാഹുൽ രാ ജീവൻ (26) എന്നിവരെയാണ് എടച്ചേരി പൊലീസ് നേരത്തെ അറസ്റ്റ് ചെയ്തത്.
Content Highlight: Court remands Panur native accused in Edachery Rs. 9 lakh money laundering case
