#latest news #Kainatty #Bus passenger #accident
വടകര: (https://vatakara.truevisionnews.com/) നാദാപുരം റോഡിൽ നിന്നും വടകര ഭാഗത്തേക്ക് പോവുകയായിരുന്ന സ്വകാര്യ ബസ്സിൽ ഇന്നോവ കാറിടിച്ച് യാത്രക്കാരിക്ക് പരിക്ക്. ചാലിയംകടവ് കണ്ണങ്കണ്ടി സ്വദേശി ഷിജിക്കാണ്അപകടത്തിൽ പരിക്കേറ്റത്. കഴിഞ്ഞ ജൂൺ 8-നാണ് കൈനാട്ടിയിലാണ് അപകടം നടന്നത്.
നാദാപുരം റോഡിൽ നിന്നും വടകരയിലേക്ക് ബസ്സിൽ ഷിജി യാത്ര ചെയ്യുകയായിരുന്നു. വണ്ടി കൈനാട്ടിയിൽ എത്തിയപ്പോൾ എതിർദിശയിൽ നിന്നും അമിതവേഗതയിലും അശ്രദ്ധമായും വന്ന ഇന്നോവ കാർ ബസ്സിലേക്ക് ഇടിച്ചുകയറുകയായിരുന്നു.
ഇടിയുടെ ആഘാതത്തിൽ ബസ്സിനുള്ളിൽ തെറിച്ചുവീണ ഷിജിയുടെ നെറ്റിയിലും മൂക്കിലും പരിക്കേറ്റു. മനുഷ്യജീവന് അപകടം വരുത്തുന്ന രീതിയിൽ അശ്രദ്ധമായി വണ്ടിയോടിച്ച കാർ ഡ്രൈവർക്കെതിരെ വടകര പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്
Content Highlight: Bus passenger injured in collision between bus and Innova car in Kainatty
