#Latest News #Nadapuram #Accident #Police Case
നാദാപുരം: (nadapuram.truevisionnews.com) കുമ്മങ്കോട് ജംഗ്ഷനിൽ വെച്ചുണ്ടായ വാഹനാപകടത്തിൽ സ്കൂട്ടർ യാത്രക്കാരന് ഗുരുതര പരിക്ക്. കുമ്മങ്കോട് സ്വദേശി ഒതയോത്ത് മുഹമ്മദ് നിഹാൻ (18) നാണ് പരിക്കേറ്റത്. സംഭവത്തിൽ നാദാപുരം പോലീസ് കേസെടുത്ത് അന്വേഷണം ആരംഭിച്ചു.
ജൂൺ 12-ന് വൈകുന്നേരം 6.15-ഓടെയായിരുന്നു അപകടം. കുമ്മങ്കോട് നിന്നും കല്ലാച്ചി ഭാഗത്തേക്ക് സ്കൂട്ടറിൽ (KL 18 Q 2048) സഞ്ചരിക്കുകയായിരുന്നു നിഹാൻ. പയന്തോങ്-മുത്തപ്പൻ മടപ്പുര റോഡ് ജംഗ്ഷനിൽ എത്തിയപ്പോൾ, പയന്തോങ് ഭാഗത്തേക്ക് അശ്രദ്ധമായും അവിവേകമായും ഓടിച്ചുവന്ന KL 18 M 5555 നമ്പർ കാർ സ്കൂട്ടറിൽ ഇടിക്കുകയായിരുന്നു.
ഇടിയുടെ ആഘാതത്തിൽ റോഡിലേക്ക് തെറിച്ചുവീണ നിഹാന് ഗുരുതരമായി പരിക്കേറ്റു. സംഭവത്തിൽ കാർ ഡ്രൈവർക്കെതിരെ അശ്രദ്ധമായി വാഹനം ഓടിച്ചതിന് പോലീസ് കേസെടുത്ത് അന്വേഷണം ആരംഭിച്ചു.
Content Highlight: Accident after car and scooter collide in Nadapuram
