നടപടി വേണം; നാദാപുരം ഗവ.താലൂക്ക് ഹോസ്പിറ്റലിലേക്ക് ഡിവൈഎഫ്ഐ മാർച്ച്

നാദാപുരം : മരുന്ന് മാറി നൽകിയ നാദാപുരം ഗവ.താലൂക്ക് ഹോസ്പിറ്റലിലേക്ക് ഡിവൈഎഫ്ഐ മാർച്ച്. ചികിത്സ പിഴവിനെ തുടർന്ന് നാദാപുരം ഗവ.താലൂക്ക് ഹോസ്പിറ്റലിൽ രോഗി ഗുരുതരാവസ്ഥയിലാവുകയും ഇന്ന് ചികിത്സക്കിടെ മരിച്ച സംഭവത്തിൽ കുറ്റകർക്കെതിരെ നടപടിസ്വീകരിക്കണമെന്ന് ആവശ്യപ്പെട്ടായിരുന്നു മാർച്ച്.

നാദാപുരം ബ്ലോക്ക്‌ കമ്മിറ്റി നേതൃത്വത്തിൽ ഹോസ്പിറ്റലിലേക്ക് നടത്തിയ മാർച്ച്‌ ഡിവൈഎഫ്ഐ ജില്ലാ ജോയിൻ സെക്രട്ടറി അഡ്വ പി രാഹുൽരാജ് ഉദ്ഘാടനം ചെയ്തു. സി അഷിൽ അധ്യക്ഷനായി. എം ശരത്ത് ലിജിന എന്നിവർ സംസാരിച്ചു. ബ്ലോക്ക്‌ സെക്രട്ടറി എ കെ ബിജിത്ത് സ്വാഗതവുംഎൻ കെ മിഥുൻ നന്ദിയും പറഞ്ഞു.

കഴിഞ്ഞ മാസം 23നാണ് ആരോഗ്യ പ്രശ്നങ്ങളെ തുടർന്ന് ചന്ദ്രൻ നാദാപുരം താലൂക്ക് ആശുപത്രിയിലെത്തിയത്. മരുന്ന് കുടിച്ചതിന് പിന്നാലെ ആരോഗ്യനില വഷളാവുകയായിരുന്നു.

ഗുരുതരാവസ്ഥയിലായതിനെ തുടർന്ന് ചന്ദ്രനെ കോഴിക്കോട് മെഡിക്കൽ കോളേജിലേക്ക് മാറ്റുകയും ചെയ്തിരുന്നു. ഇന്ന് രാവിലെയാണ് ചന്ദ്രൻ്റെ മരണം സ്ഥിരീകരിച്ചത്.

Also read: മാതൃക ഡോക്ടർ; ഡോക്ടേർസ് ഡേയിൽ ജനകീയ ഡോക്ടറെ പേരോട് എൻ എസ് എസ് ആദരിച്ചു

തൂണേരി മുടവന്തേരിയിലെ പാലോള്ളതിൽ ചന്ദ്രൻ (52) ആണ് മരിച്ചത് . നാദാപുരം ആശുപത്രിയിലെ ചികിത്സയ്ക്ക് ശേഷം ആരോഗ്യനില വഷളായതിനെ തുടർന്ന് രോഗിയെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റിയിരുന്നു.

ആശുപത്രിയിൽ കിടത്തി ചികിത്സയിലായിരുന്ന രോഗിയെ മാറി ഉറക്ക ഗുളിക നൽകിയതിനെ തുടർന്ന് കാൻസർ രോഗി അബോധാവസ്ഥയിലായതായി ആശുപത്രി സൂപ്രണ്ടിന് രോഗിയുടെ മകൾ പരാതി നൽകിയിരുന്നു .

നേരത്തെ താടിയെല്ലിൽ കാൻസർ രോഗത്തെ തുടർന്ന് ഭക്ഷണം കഴിക്കാൻ ബുദ്ധിമുട്ടിയതിനെ തുടർന്ന് കോഴിക്കോട് മെഡിക്കൽ കോളേജിൽ ചികിത്സയിലായിരുന്നു ചന്ദ്രൻ.

കാൻസർ കുറവുണ്ടെന്നും ഇനി അടുത്തുള്ള ആശുപത്രിയിൽ ചികിത്സ നൽകിയാൽ മതിയെന്ന നിർദ്ദേശത്തോടെ ഇക്കഴിഞ്ഞ 16 ന് ചന്ദ്രനെ മെഡിക്കൽ കോളേജിൽ നിന്ന് നാദാപുരം ഗവ. താലൂക്ക് ആശുപത്രിയിലേക്ക് റെഫർ ചെയ്യുകയായിരുന്നു.

ഇക്കഴിഞ്ഞ 19 ന് രാത്രിയാണ് ചന്ദ്രന് ഉറക്ക് ഗുളിക നൽകിയത് . അന്നുമുതൽ ചന്ദ്രൻ മയങ്ങി കിടന്നു 22 വരെ ഗുളിക നൽകിയതിനെ തുടർന്ന് അബോധാവസ്ഥയിലായി . ഇതേ കുറിച്ച് ഡ്യൂട്ടി ഡോക്‌ടറോട് മകൾ ഗാന ചന്ദ്രൻ സംസാരിച്ചപ്പോൾ വ്യക്തമായ മറുപടി ലഭിച്ചില്ലെന്നും പിന്നീടാണ് ഇതേ വാർഡിലുണ്ടായിരുന്ന മറ്റൊരു ചന്ദ്രന് നൽകേണ്ട ഉറക്ക ഗുളിക മെഡിസിൽ ഡോക്‌ടർ മാറിനൽകിയതെന്ന് മനസിലായന്നും സൂപ്രണ്ടിന് നൽകിയ പരാതിയിൽ ഗാന പറഞ്ഞു.

Also read: അശ്രദ്ധമായ ഡ്രൈവിംഗ്: കല്ലാച്ചിയിൽ സ്കൂട്ടറുകൾ കൂട്ടിയിടിച്ച് യുവതിക്ക് പരിക്ക്; നാദാപുരം പോലീസ് കേസെടുത്തു

ജൂൺ 24 ന് രാവിലെ പരിശോധനയ്ക്കെത്തിയപ്പോൾ ഈ ഗുളികയുടെ പേര് ശീട്ടിൽ നിന്ന് ഡോക്ടർ വെട്ടിമാറ്റിയതായും ഗാന പറഞ്ഞു. ജൂൺ 24 ന് ഉച്ചയോടെയാണ് ചന്ദ്രനെ ആബുലൻസിൽ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റിയത്.

Content Highlight: Death of a native of Thuneri, DYFI march to Nadapuram Government Taluk Hospital

#Latest News #DYFI March #Nadapuram Government Taluk Hospital #Thuneri #Chandran Death Case