#Latest News #Edacheri #Physiotherapy Centre
എടച്ചേരി: (nadapuram.truevisionnews.com) എടച്ചേരിയുടെ ആരോഗ്യമേഖലയിൽ പുതിയൊരു കാൽവെപ്പിന് തുടക്കമിട്ട്, എടച്ചേരി മുസ്ലിം റിലീഫ് കമ്മിറ്റിയുടെ ഫിസിയോതെറാപ്പി സെന്റർ യാഥാർത്ഥ്യത്തിലേക്ക്. ഈ സ്വപ്നപദ്ധതിയുടെ ശിലാസ്ഥാപന കർമ്മം ആഗസ്റ്റ് 17-ന് രാവിലെ 10 മണിക്ക് പാണക്കാട് സയ്യിദ് റഷിദലി ശിഹാബ് തങ്ങൾ നിർവഹിക്കും. നിർമ്മാണ പ്രവർത്തനങ്ങളിലെ സുപ്രധാനമായ ഈ ചടങ്ങിനായി വിപുലമായ ക്രമീകരണങ്ങളാണ് നാട്ടിൽ ഒരുക്കിക്കൊണ്ടിരിക്കുന്നത്.
മേഖലയിലെ ജനങ്ങൾക്ക് വലിയൊരു ആശ്വാസമായിരിക്കും ഈ ചികിത്സാ കേന്ദ്രം. ആധുനിക സംവിധാനങ്ങളോടും വിദഗ്ദ്ധരായ ഫിസിയോതെറാപ്പിസ്റ്റുകളുടെ സേവനത്തോടും കൂടി പ്രവർത്തനമാരംഭിക്കുന്ന സെന്റർ, ആരോഗ്യ പരിപാലന രംഗത്ത് വലിയ മാറ്റങ്ങൾ കൊണ്ടുവരുമെന്നാണ് റിലീഫ് കമ്മിറ്റിയുടെ പ്രതീക്ഷ.
നിർമ്മാണ പ്രവർത്തനങ്ങൾ വേഗത്തിൽ പൂർത്തിയാക്കി എത്രയും വേഗം പൊതുജനങ്ങൾക്ക് സെന്റർ സമർപ്പിക്കുമെന്ന് ഭാരവാഹികൾ വ്യക്തമാക്കി. ഈ പദ്ധതിയുടെ ഔദ്യോഗിക പോസ്റ്റർ പ്രകാശനം ദോഹയിൽ വെച്ച് നടന്നു.
പ്രസിഡന്റ് മുനീർ എം.പി.യുടെ അധ്യക്ഷതയിൽ ചേർന്ന ചടങ്ങിൽ ജനറൽ സെക്രട്ടറി സുബൈർ ചാലിൽ സ്വാഗതം പറഞ്ഞു. പി.എ. തലായി, സിദ്ദീഖ് ഹസ്സൻ, ഇ.വി. സിറാജ്, അബൂബക്കർ, കുഞ്ഞമ്മദ് എ.വി, സഫീർ സി.വി എന്നിവർ സംസാരിച്ചു. ചടങ്ങിൽ ദർശാദ് നന്ദി രേഖപ്പെടുത്തി.
Content Highlight: Edacheri Muslim Relief Committee Physiotherapy Centre Foundation Stone Laying On Aug 17
