നാദാപുരം: (nadapuram.truevisionnews.com) സിസിയുപി സ്‌കൂളിന്റെ 96-ാം വാർഷികാഘോഷം ഇന്നും നാളെയും വിവിധ പരിപാടികളോടെ നടക്കും. ഇന്ന് പ്രതിഭ സംഗമവും അനുമോദനവും തൂണേരി ഗ്രാമ പഞ്ചായത്ത് പ്രസിഡന്റ് സുധ സത്യന്റെ അധ്യക്ഷതയിൽ ജില്ല പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്യും.
തുടർന്ന് ഒന്ന് മുതൽ നാല് വരെ ക്ലാസുകളിലെ കുട്ടികളുടെ കലാപരിപാടികൾ അരങ്ങേറും. ഏപ്രിൽ ആറിന് വൈകുന്നേരം മൂന്ന് മണിക്ക് ദീർഘകാല സേവനത്തിന് ശേഷം സർവീസിൽ നിന്ന് വിരമിക്കുന്ന അറബിക് അധ്യാപകനായ എം.എ ലത്തീഫിനുള്ള യാത്രയയപ്പ് പരിപാടിയും വാർഷികാഘോഷ സമാപനവും ഇ.കെ വിജയൻ എംഎൽഎയുടെ അധ്യക്ഷതയിൽ ഷാഫി പറമ്പിൽ എംപി ഉദ്ഘാടനം ചെയ്യും.
ചടങ്ങിൽ വിവധ എൻഡോവ്മെന്റ് വിതരണവും നടക്കും. തുടർന്ന് വിദ്യാർഥികളുടെ മെഗാ ഒപ്പനയും നൃത്തമാമാങ്കവും അമ്മമാരുടെ തിരുവാതിരയും മ്യൂസിക്‌സ്പോട്ടും (ഗാനമേള) അരങ്ങേറും. ഒന്നാം ക്ലാസിലെ കുട്ടികൾ അവരുടെ ഭാവനയിൽ വിരിഞ്ഞ മനോഹരമായ കഥാസമാഹരമായ 'ഒന്നഴക് 'ഷാഫി പറമ്പിൽ എംപി പ്രകാശനം ചെയ്യും.
#CCUP #school #anniversary #celebrations #begin #today
