പാറക്കടവ്ശി: [nadapuram.truevisionnews.com] ശിഹാബ് തങ്ങൾ ഡയാലിസിസ് സെന്ററിന്റെ റമദാൻ ധനശേഖരണാർത്ഥമുള്ള എടച്ചേരി പഞ്ചായത്ത് തല പ്രവർത്തനങ്ങൾ പൂർത്തിയായി. പദ്ധതിയുടെ ഭാഗമായുള്ള ബ്രോഷർ വിതരണോദ്ഘാടനം ജില്ലാ മുസ്ലിം ലീഗ് സെക്രട്ടറി കെ.ടി. അബ്ദുറഹ്മാൻ തോട്ടോളി നിർവ്വഹിച്ചു.
എടച്ചേരിയിൽ നടന്ന ശാഖാ പ്രസിഡന്റ്, സെക്രട്ടറിമാരുടെ യോഗത്തിൽ വെച്ച് ശാഖാ സെക്രട്ടറി യഹ്സാദ് കല്ലറക്കലിന് ബ്രോഷർ കൈമാറിക്കൊണ്ടാണ് പ്രവർത്തനങ്ങൾക്ക് ഔദ്യോഗികമായി തുടക്കം കുറിച്ചത്.
പണാറത്ത് ഹാരിസ് അധ്യക്ഷത വഹിച്ച ചടങ്ങിൽ പ്രമുഖ വ്യക്തിത്വങ്ങളായ ടി.കെ. അഹമ്മദ് മാസ്റ്റർ, ഡോ. എം.കെ. മുനീർ, ഇ.പി. യൂസഫ് തുടങ്ങിയവർ സംബന്ധിച്ചു. കൂടാതെ അമ്മദ് കടുക്കാങ്കിയിൽ, യു.പി. ഇസ്മായിൽ, എം. മൊയ്തു ഹാജി, ഇ.കെ. അബൂബക്കർ ഹാജി, വി.കെ.കെ. മുഹമ്മദ്, എ.സി. അഷ്കർ മാസ്റ്റർ, തയ്യുള്ളതിൽ കുഞ്ഞബ്ദുള്ള, സി.പി. സലാം, അമ്പിടാട്ടിൽ കുഞ്ഞബ്ദുള്ള എന്നിവരും യോഗത്തിൽ പങ്കെടുത്തു.
പരിപാടിക്ക് പി.കെ. മുഹമ്മദ് സ്വാഗതവും കെ. ഷറഫുദ്ദീൻ നന്ദിയും രേഖപ്പെടുത്തി.
Shihab Thangal Dialysis Center Ramadan fundraising preparations
