നാദാപുരം: [nadapuram.truevisionnews.com] പാറക്കടവ് ശിഹാബ് തങ്ങൾ ഡയാലിസിസ് സെന്ററിന്റെ റമളാൻ ഫണ്ട് സമാഹരണ ക്യാമ്പയിന് ആവേശകരമായ തുടക്കം. ക്യാമ്പയിന്റെ തൂണേരി പഞ്ചായത്ത് തല ഉദ്ഘാടനം കെ.കെ. ഖാലിദ് ഹാജി ഡയാലിസിസ് ട്രസ്റ്റ് ട്രഷറർ അഹമ്മദ് പുന്നക്കലിന് ഫണ്ട് കൈമാറിക്കൊണ്ടാണ് നിർവഹിച്ചു.
കാരുണ്യപ്രവർത്തന മേഖലയിൽ മാതൃകാപരമായ സേവനം കാഴ്ചവെക്കുന്ന ഡയാലിസിസ് സെന്ററിന്റെ പ്രവർത്തനങ്ങൾക്ക് കരുത്തുപകരാനാണ് റമളാൻ മാസത്തോടനുബന്ധിച്ച് ഇത്തരമൊരു ഫണ്ട് സമാഹരണം സംഘടിപ്പിക്കുന്നത്.
കളത്തിൽ മൊയ്തു ഹാജി, സി. ഹമീദ് മാസ്റ്റർ, വളപ്പിൽ കുഞ്ഞമ്മദ് മാസ്റ്റർ, എ.കെ.ടി. കുഞ്ഞമ്മദ്, കെ.എം. സമീർ, സി.കെ.സി. അഹമ്മദ്, ഇസ്മായിൽ പനാട, യുനുസ് കല്ലൻകുനി, ജവാദ് ബി.എം.ബി, മുഹ്സിൻ വളപ്പിൽ, മുഹമ്മദ് കെ.കെ, ഷംനാസ് വി.സി, ഇസ്മയിൽ കെ, മുഹമ്മദ് കുന്നുമ്മൽ, നസീർ വി. തുടങ്ങിയവർ ചടങ്ങിൽ സംബന്ധിച്ചു.
വരും ദിവസങ്ങളിൽ പഞ്ചായത്തിന്റെ വിവിധ ഭാഗങ്ങളിൽ സമാഹരണ പ്രവർത്തനങ്ങൾ ഊർജ്ജിതമാക്കുമെന്ന് ഭാരവാഹികൾ അറിയിച്ചു.
Shihab Thangal Dialysis Center Ramadan Fundraiser
