നാദാപുരം: (nadapuram.truevisionnews.com) കക്കംവെള്ളിയിൽ ജനവാസമേഖലയിൽ ഭീഷണിയുയർത്തിയ കാട്ടുപന്നിയെ വെടിവെച്ചുകൊന്നു. ഇന്ന് രാവിലെ ഒൻപത് മണിയോടെയാണ് നാട്ടുകാരെ പരിഭ്രാന്തിയിലാക്കി കാട്ടുപന്നി ജനവാസകേന്ദ്രത്തിൽ ഇറങ്ങിയത്.
വിവരമറിഞ്ഞ ഉടൻ തന്നെ നാട്ടുകാർ വനംവകുപ്പിന്റെ അംഗീകൃത ഷൂട്ടറായ പ്രദീപ് ആരൂരിനെ വിവരം അറിയിക്കുകയായിരുന്നു. തുടർന്ന് സ്ഥലത്തെത്തിയ പ്രദീപ്, 21-ാം വാർഡ് മെമ്പർ ആയിഷയുടെ സാന്നിധ്യത്തിലാണ് പന്നിയെ വെടിവെച്ചത്.
കക്കംവെള്ളി ഉൾപ്പെടെയുള്ള മേഖലകളിൽ കാട്ടുപന്നികളുടെ ശല്യം രൂക്ഷമാണെന്നും കൃഷിനാശത്തിന് പുറമെ മനുഷ്യജീവന് പോലും ഇവ ഭീഷണിയാകുന്നുവെന്നും നാട്ടുകാർ പരാതിപ്പെടുന്നുണ്ട്.
Content Highlight: Wild boar shot dead in Kakkamvelly settlement
