നാദാപുരം: (nadapuram.truevisionnews.com) നാദാപുരത്ത് ബൈക്ക് യാത്രികനെ കാറിടിച്ചുണ്ടായ അപകടത്തിൽ കാറുടമക്കെയെതിരെ നാദാപുരം പോലീസ് കേസെടുത്തു.
സംഭവത്തിൽ ബൈക്ക് യാത്രികനായ പേരോട് പുളിയാവ് നാനോത്ത് സ്വദേശി മുഹമ്മദ് നിജാദിന് ഗുരുതരമായി പരിക്കേറ്റിരുന്നു. ശനിയാഴ്ച രാത്രി 9:45-ഓടെ നാദാപുരം-പുറമേരി റോഡിൽ കക്കംവള്ളി ഫിറ്റ് ഫാഷൻ സ്ഥാപനത്തിന് മുന്നിലായിരുന്നു സംഭവം.
നാദാപുരത്തുനിന്നും പുറമേരി ഭാഗത്തേക്ക് ബൈക്കിൽ പോവുകയായിരുന്നു നിജാദ്. ഈ സമയം റോഡരികിൽ നിർത്തിയിട്ടിരുന്ന KL 18 S 2930 നമ്പർ കാർ പെട്ടെന്ന് വലതുവശത്തേക്ക് തിരിക്കുകയായിരുന്നു.
നിയന്ത്രണം വിട്ട കാർ ബൈക്കിൽ കാർ ഇടിക്കുകയും നിജാദ് റോഡിലേക്ക് തെറിച്ചു വീഴുകയും ചെയ്തു. അപകടത്തിൽ നിജാദിന്റെ ഇടതുകാലിന്റെ മടമ്പിന്ലെ എല്ലിന് പൊട്ടലുണ്ട്. കാറുടമയെ തിരിച്ചറിഞ്ഞിട്ടില്ല.
Case filed against car owner in bike-car collision
