#Latest News #Thuneri #PM Kisan Beneficiaries
തൂണേരി: (nadapuram.truevisionnews.com) തൂണേരി ബ്ലോക്ക് പഞ്ചായത്തിന് കീഴിലുള്ള എടച്ചേരി, പുറമേരി, നാദാപുരം, തൂണേരി, ചെക്യാട്, വളയം, വാണിമേൽ എന്നീ പഞ്ചായത്തുകളിലെ പി.എം. കിസാൻ ഗുണഭോക്താക്കൾ 2026-27 വർഷത്തേക്കുള്ള വാർഷിക ഇ-കെ.വൈ.സി (മസ്റ്ററിങ്) നടപടികൾ ജൂൺ 30-ന് മുൻപായി പൂർത്തിയാക്കണമെന്ന് തൂണേരി അസിസ്റ്റന്റ് കൃഷി ഡയറക്ടർ അറിയിച്ചു.
ഗുണഭോക്താക്കളുടെ നിലനിൽപ്പ് ഉറപ്പുവരുത്തുന്നതിനാണ് ഈ വാർഷിക മസ്റ്ററിങ് നടത്തുന്നത്. അതിനാൽ, പദ്ധതി ആനുകൂല്യങ്ങൾ തടസ്സമില്ലാതെ തുടർന്നും ലഭിക്കുന്നതിന് എല്ലാ ഗുണഭോക്താക്കളും നിശ്ചിത തീയതിക്കകം നടപടികൾ പൂർത്തിയാക്കേണ്ടതാണ്. കഴിഞ്ഞ വർഷം ഇ-കെ.വൈ.സി ചെയ്തവർ പോലും ഈ വർഷം വീണ്ടും പുതുക്കേണ്ടതുണ്ട്.
അക്ഷയ സെന്ററുകൾ, ജനസേവന കേന്ദ്രങ്ങൾ എന്നിവ വഴിയോ, കൃഷിഭവൻ മുഖേനയോ അല്ലെങ്കിൽ ഗുണഭോക്താക്കൾക്ക് സ്വന്തമായോ ഈ പ്രക്രിയ പൂർത്തിയാക്കാവുന്നതാണ്. ഇതിനായി ആധാർ കാർഡും ആധാറുമായി ലിങ്ക് ചെയ്ത മൊബൈൽ ഫോണും നിർബന്ധമായും കൈവശം ഉണ്ടായിരിക്കണം.
അവസാന തീയതിയായ ജൂൺ 30-നകം നടപടികൾ പൂർത്തിയാക്കാത്തവർക്ക് ഈ വർഷത്തെ ആനുകൂല്യം ലഭിക്കുന്നതല്ലെന്ന് അധികൃതർ വ്യക്തമാക്കി.
Content Highlight: Thuneri Block Panchayat, PM Kisan Beneficiaries, eKYC
