#Latest News #Kallachi #Accident #Police Case
കല്ലാച്ചി: (nadapuram.truevisionnews.com) അശ്രദ്ധമായി ഓടിച്ചു വന്ന ഗുഡ്സ് വണ്ടി സ്കൂട്ടറിൽ ഇടിച്ച് കല്ലാച്ചി സ്വദേശിയായ ദമ്പതികൾക്ക് പരിക്കേറ്റ സംഭവത്തിൽ കുറ്റ്യാടി പോലീസ് കേസെടുത്തു. കല്ലാച്ചി പരോലമ്മയിൽ ചന്ദ്രനും ഭാര്യക്കുമാണ് പരിക്കേറ്റത്. ജൂൺ 30-ന് വൈകുന്നേരം 4.30-ഓടെ വട്ടോളി ടൗണിലാണ് സംഭവം. കുറ്റ്യാടിയിൽ നിന്ന് കല്ലാച്ചിയിലേക്ക് സ്കൂട്ടറിൽ യാത്ര ചെയ്യുകയായിരുന്നു രണ്ടുപേരും.
ഇവർ സഞ്ചരിച്ചിരുന്ന KL 18 V 6895 നമ്പർ സ്കൂട്ടറിന് പിന്നിൽ, അതേ ദിശയിൽ അതിവേഗത്തിലും അശ്രദ്ധമായും വന്ന KL 18 Y 9578 നമ്പർ ഗുഡ്സ് വണ്ടി ഇടിക്കുകയായിരുന്നു. ഇടിയുടെ ആഘാതത്തിൽ ദമ്പതികൾ റോഡിലേക്ക് തെറിച്ചുവീണു.
അപകടത്തിൽ ചന്ദ്രന് ഇടതു കൈവിരലിനും, ഭാര്യയുടെ വലതു കൈയ്ക്കും ഗുരുതരമായി പരിക്കേറ്റു. സംഭവത്തിൽ പോലീസ് അന്വേഷണം ആരംഭിച്ചു.
Content Highlight: Couple from Kallachi injured after goods vehicle hits their scooter.
