നാദാപുരം :(nadapuram.truevisionnews.com) പാറക്കടവ് ദാറുൽ ഹുദാ ഇംഗ്ലീഷ് മീഡിയം സ്കൂളിൽ മഴവിൽ ക്ലബ് ലോഞ്ച് ചെയ്തു. വിദ്യാർത്ഥികൾക്കിടയിൽ ധാർമ്മിക മൂല്യം വളർത്തിയെടുക്കുകയെന്ന ലക്ഷ്യത്തിൽ കേരളത്തിലെ മുഴുവൻ ഇംഗ്ലീഷ് മീഡിയം സ്കൂളുകളിലും എസ് എസ് എഫ് സംസ്ഥാന കമ്മിറ്റിക്ക് കീഴിൽ പ്രവർത്തിക്കുന്ന സംവിധാനമാണ് മഴവിൽ ക്ലബ്ബുകൾ. സാംസ്കാരിക പ്രവർത്തനങ്ങൾ, സാമൂഹ്യ സേവന പ്രവർത്തനങ്ങൾ, വ്യത്യസ്ത ദിനാചരണങ്ങൾ തുടങ്ങി ധാരാളം പ്രവർത്തനങ്ങൾ മഴവിൽ ക്ലബ്ബ് നടത്തി വരുന്നു.
എസ്എസ്എഫ് സംസ്ഥാന സെക്രട്ടറി ഡോ. മുഹമ്മദ് നിയാസ് ലോഞ്ചിംഗ് നിർവഹിച്ചു. ഭാരവാഹികളായി അബ്ദുള്ള (ചീഫ് ), സിദാൻ, മുഹമ്മദ് നശാത്ത് ഇസ്മായിൽ (അസി ചീഫ് ), മുഹമ്മദ് വി പി (കൺവീനർ), റഫാൻ മുഹമ്മദ്, മുഹമ്മദ് സഹൽ (ജോ കൺവീനർമാർ ),മിസ്ഹബ് (ഫിനാൻസ് കൺ. )മുഹമ്മദ് വിവി, ഫിനാൻ ഫഹീം, ബാസിൽ സമാൻ, മുഹമ്മദ് ഹാഷിർ (എക്സി അംഗങ്ങൾ )എന്നിവരെ തിരഞ്ഞെടുത്തു.
മോറൽ ഹെഡ് അബ്ദുറഹീം സഖാഫി, മാനേജർ മുനീർ സഖാഫി, പ്രിൻസിപ്പൽ ഷമീർ പി കെ, അസി മാനേജർ നിസാർ ഫാളിലി, അസി മോറൽ ഹെഡ് സാജിദ് സഖാഫി, മെന്റർമാരായ നൂറുള്ള സഖാഫി, ഖുബൈബ് സഖാഫി തുടങ്ങിയവർ സംസാരിച്ചു.
#Mazhavil #Club #Launching #Darul #Huda #English #Medium #School
.jpg)
