പുറമേരി: (nadapuram.truevisionnews.com) കുറ്റ്യാടി മണ്ഡലം യു.ഡി.എഫ് സ്ഥാനാർത്ഥിയായി പാറക്കൽ അബ്ദുല്ലയെ മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾ പ്രഖ്യാപിച്ചതിന് പിന്നാലെ പാറക്കൽ അബ്ദുല്ലക്ക് അഭിവാദ്യം അർപ്പിച്ച് പുറമേരിയിൽ യുഡിഎഫ് പ്രകടനം നടത്തി.
നൂറുകണക്കിന് പ്രവർത്തകരാണ് പാറക്കൽ അബ്ദുല്ലയ്ക്ക് പിന്തുണ പ്രഖ്യാപിച്ച് തെരുവിലിറങ്ങിയത്. മണ്ഡലം തിരിച്ചുപിടിക്കാനുള്ള ഉറച്ച വിശ്വാസത്തോടെ നടന്ന പ്രകടനത്തിന് പ്രമുഖ പ്രാദേശിക നേതാക്കളായ കെ. മുഹമ്മദ് സാലി, ടി. കുഞ്ഞിക്കണ്ണൻ, പി. അജിത്ത്, മുഹമ്മദ് പുറമേരി, കെ. ചന്ദ്രൻ മാസ്റ്റർ, ബാലൻ പരപ്പിൽ തുടങ്ങിയവർ നേതൃത്വം നൽകി.
കെ.എം. സമീർ മാസ്റ്റർ, ഷംസു മഠത്തിൽ, പി. അജയൻ, ആർ.കെ. റഫീഖ്, എ.കെ. ഷബിർ, കെ.പി. അമീർ എന്നിവരും പ്രകടനത്തിൽ അണിനിരന്നു. സ്ഥാനാർത്ഥി പ്രഖ്യാപനത്തോടെ കുറ്റ്യാടിയിൽ യു.ഡി.എഫ് പ്രചാരണ പ്രവർത്തനങ്ങൾക്ക് ഔദ്യോഗികമായി തുടക്കമായിരിക്കുകയാണ്.
UDF shows strength in public after candidate announcement
