വടകര: (vatakara.truevisionnews.com) വടകര ഏരിയയിലെ വ്യാപാരികൾക്ക് താങ്ങായി വ്യാപാരി വ്യവസായി സമിതിയുടെ 'വ്യാപാരി മിത്ര' ചികിത്സാ സഹായം വിതരണം ചെയ്തു. സമിതിയുടെ വടകര ഏരിയ കമ്മിറ്റിയുടെ നേതൃത്വത്തിൽ നടന്ന ചടങ്ങിൽ പ്രമുഖരായ രണ്ട് വ്യാപാരികൾക്കാണ് സഹായധനം കൈമാറിയത്.
നാരായണനഗരം യൂണിറ്റിലെ ടെല വേൾഡ് ഉടമ രാജേഷിനുള്ള ചികിത്സാ ധനസഹായം ഏരിയ പ്രസിഡന്റ് കരിപ്പള്ളി രാജൻ നിർവഹിച്ചു. ടൗൺ യൂണിറ്റിലെ സുഭാഷിനുള്ള സഹായം സമിതി ജില്ലാ കമ്മിറ്റി അംഗം കെ.എൻ. വിനോദ് കൈമാറി. വ്യാപാരികളുടെ ക്ഷേമത്തിനായി സമിതി നടപ്പിലാക്കുന്ന പദ്ധതികളുടെ ഭാഗമായാണ് ഈ ആശ്വാസ നടപടി.
ചടങ്ങിൽ കെ.എൻ. വിനോദ്, കരിപ്പള്ളി രാജൻ, വി. അസീസ്, കെ. സദാനന്ദൻ, വി.പി. ശശി എന്നിവർ സംസാരിക്കുകയും വ്യാപാരികളുടെ ഐക്യത്തെയും പരസ്പര സഹായത്തെയും കുറിച്ച് ഊന്നിപ്പറയുകയും ചെയ്തു.
Medical assistance provided to two traders in Vadakara
