#Latest News #Nadapuram #Nadapuram Urban Bank #Farewell Party
നാദാപുരം: (nadapuram.truevisionnews.com) റിസർവ് ബാങ്കിന്റെ അംഗീകാരത്തോടെ പ്രവർത്തിക്കുന്ന നാദാപുരം സഹകരണ അർബൻ ബാങ്കിൽ നിന്നും വിരമിക്കുന്ന മുതിർന്ന ജീവനക്കാർക്ക് നാളെ വിപുലമായ യാത്രയയപ്പ് നൽകും.
കാൽ നൂറ്റാണ്ടുകാലത്തെ ദീർഘമേറിയ ഔദ്യോഗിക സേവനത്തിന് ശേഷം വിരമിക്കുന്ന അസിസ്റ്റന്റ് ജനറൽ മാനേജർ രാജീവ് മാറോളി, ചീഫ് അക്കൗണ്ടന്റ് ജയദേവി എസ്.ആർ. എന്നിവർക്കാണ് ബാങ്ക് കുടുംബം യാത്രയയപ്പ് ഒരുക്കുന്നത്.
നാളെ രാവിലെ 11 മണിക്ക് ബാങ്ക് പരിസരത്ത് വെച്ച് നടക്കുന്ന സൗഹൃദ സംഗമത്തോടെ ചടങ്ങുകൾക്ക് തുടക്കമാകും. ഈ സംഗമം ഷാഫി പറമ്പിൽ എം.പി. ഉദ്ഘാടനം ചെയ്യുകയും, അർബൻ ബാങ്ക് എംപ്ലോയീസ് ഓർഗനൈസേഷന്റെ വകയായുള്ള ഉപഹാരങ്ങൾ വിരമിക്കുന്ന ജീവനക്കാർക്ക് അദ്ദേഹം സമ്മാനിക്കുകയും ചെയ്യും.
തുടർന്ന് വൈകിട്ട് 4 മണിക്ക് നാദാപുരം മോയിൻകുട്ടി വൈദ്യർ അക്കാദമി ഹാളിൽ വെച്ചാണ് പ്രധാന യാത്രയയപ്പ് സമ്മേളനം സംഘടിപ്പിച്ചിരിക്കുന്നത്. കെ.എം. അഭിജിത്ത് എം.എൽ.എ. സമ്മേളനം ഉദ്ഘാടനം ചെയ്യും.
ചടങ്ങിൽ കോഴിക്കോട് ജില്ലാ പഞ്ചായത്ത് വൈസ് പ്രസിഡന്റ് കെ.കെ. നവാസ്, നാദാപുരം ഗ്രാമപഞ്ചായത്ത് പ്രസിഡന്റ് സഫിറ മൂന്നാംകനി തുടങ്ങിയ പ്രമുഖ ജനപ്രതിനിധികളും, വിവിധ രാഷ്ട്രീയ പാർട്ടി നേതാക്കളും, സാമൂഹ്യ-സാംസ്കാരിക രംഗത്തെ പ്രമുഖരും പങ്കെടുത്ത് സംസാരിക്കും.
യാത്രയയപ്പ് സമ്മേളനത്തിനുള്ള എല്ലാവിധ ഒരുക്കങ്ങളും പൂർത്തിയായതായി സംഘാടകർ അറിയിച്ചു.
Content Highlight: Farewell meeting of Nadapuram Urban Bank employees tomorrow
#Latest News #Nadapuram #Nadapuram Urban Bank #Farewell Party
