വിജയാരവം 2026; ഏഷ്യബുക്ക് ഓഫ് റെക്കോർഡിൽ ഇടം നേടിയ ഒ.കെ ശൈലജ ടീച്ചർക്ക് നാടിന്റെ ആദരവ്

കല്ലാച്ചി: (nadapuram.truevisionnews.com) പി.കെ. രാജൻ വായനശാലയും ഗ്രന്ഥശാലയും സംയുക്തമായി സംഘടിപ്പിച്ച 'വിജയാരവം 2026' അനുമോദനച്ചടങ്ങ് ശ്രദ്ധേയമായി. 2025-26 അധ്യയന വർഷത്തിൽ എൽ.എസ്.എസ്, യു.എസ്.എസ്, എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികളെ ചടങ്ങിൽ ആദരിച്ചു.

ഇതോടൊപ്പം, സാഹിത്യരംഗത്ത് ഏഷ്യ ബുക്ക് ഓഫ് റെക്കോർഡ്സിൽ ഇടംനേടിയ എഴുത്തുകാരിയും വിഷ്ണുമംഗലം എൽ.പി സ്കൂൾ പൂർവാധ്യാപികയുമായ ഒ.കെ. ശൈലജ ടീച്ചറെ ചടങ്ങിൽ പ്രത്യേകമായി ആദരിച്ചു.

ശ്രീ എ.എം. രാഘവന്റെ വസതിയിൽ വെച്ച് നടന്ന പരിപാടി നാദാപുരം ഗ്രാമപഞ്ചായത്ത് നാലാം വാർഡ് മെമ്പർ സിന്ധു ഒ.പി. ഉദ്ഘാടനം ചെയ്തു. വായനശാല പ്രസിഡന്റ് വിനോദൻ മാസ്റ്റർ അധ്യക്ഷത വഹിച്ച യോഗത്തിൽ, കല്ലാച്ചി എച്ച്.ആർ.ഡി പ്രിൻസിപ്പൽ ഒ.വി. അശോകൻ മാസ്റ്റർ ഒ.കെ. ശൈലജ ടീച്ചർക്ക് ആദരവ് സമർപ്പിച്ചു.

തുടർന്ന് താലൂക്ക് ലൈബ്രറി കൗൺസിൽ അംഗം രാജൻ മാസ്റ്റർ, ചുഴലി എച്ച്.എസ്.എസ് പ്രിൻസിപ്പൽ പ്രേംരാജ് മാസ്റ്റർ, വായനശാല ലൈബ്രേറിയൻ ദീപ രാജൻ എന്നിവർ ചേർന്ന് ഉന്നത വിജയികളായ വിദ്യാർത്ഥികൾക്ക് ഉപഹാരങ്ങൾ നൽകി.

Also read: തൂണേരി ബ്ലോക്ക് പഞ്ചായത്ത് പരിധിയിലെ പി.എം. കിസാൻ ഗുണഭോക്താക്കൾ ജൂൺ 30-നകം ഇ-കെ.വൈ.സി പുതുക്കണം

വിദ്യാർത്ഥികൾ, രക്ഷിതാക്കൾ, നാട്ടുകാർ, എ.എം. രാഘവന്റെ കുടുംബാംഗങ്ങൾ തുടങ്ങിയവർ പങ്കെടുത്തു. വടക്കയിൽ വിനു നന്ദി പറഞ്ഞു.

Content Highlight: Award ceremony at Kallachi P.K. Rajan Library

#Latest News #Kallachi #Vijayaravam 2026 #Asia Book of Records