ഉന്നത വിജയം നേടിയ വിദ്യാർത്ഥികളെ അനുമോദിച്ച് കുന്നുമ്മക്കര സർവീസ് സഹകരണ ബാങ്ക്; പഠനോപകരണ വിതരണവും നടത്തി

കുന്നുമ്മക്കര: എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം കൈവരിച്ച വിദ്യാർത്ഥികളെ അനുമോദിക്കുന്നതിനായി കുന്നുമ്മക്കര സർവീസ് സഹകരണ ബാങ്കിന്റെ നേതൃത്വത്തിൽ പ്രൗഢമായ ചടങ്ങ് സംഘടിപ്പിച്ചു.

വിജയികളായ വിദ്യാർത്ഥികൾക്കുള്ള അനുമോദനവും ക്യാഷ് അവാർഡ് വിതരണവും അതോടൊപ്പം പുതിയ അധ്യയന വർഷത്തേക്കുള്ള പഠനോപകരണ വിതരണവും ചടങ്ങിൽ വെച്ച് നടന്നു.

പരിപാടിയുടെ ഔദ്യോഗിക ഉദ്ഘാടനം സഹകരണ സംഘം അസിസ്റ്റന്റ് രജിസ്ട്രാർ പി. സതീഷ് നിർവ്വഹിച്ചു. ബാങ്ക് പ്രസിഡന്റ് കെ. കെ. കൃഷ്ണൻ ചടങ്ങിൽ അധ്യക്ഷത വഹിച്ചു.

വിദ്യാർത്ഥികളിൽ സമ്പാദ്യശീലം വളർത്തുന്നതിനായി ബാങ്ക് നടപ്പിലാക്കുന്ന 'വിദ്യാനിധി' ലഘു സമ്പാദ്യ പദ്ധതിയുടെ ഉദ്ഘാടനം ഏറാമല ഗ്രാമപഞ്ചായത്ത് വൈസ് പ്രസിഡന്റ് ഷീജ തട്ടോളി നിർവ്വഹിച്ചു.

Also read: പേരോട് പുളിയാവിൽ അടുക്കോളി സുലൈഖ അന്തരിച്ചു

ചടങ്ങിൽ എം. എ. ചന്ദ്രൻ, കുറുന്തർത്ത് രാജൻ, എം. കെ. യൂസഫ് ഹാജി, പി. М. പുരുഷോത്തമൻ, ഉണ്ണികൃഷ്ണൻ കൃഷ്ണാലയം, പ്രമോദ് ഐ. എം. തുടങ്ങിയ പ്രമുഖർ വിദ്യാർത്ഥികൾക്ക് ആശംസകൾ അർപ്പിച്ചു സംസാരിച്ചു. ബാങ്ക് സെക്രട്ടറി പ്രസീത് കുമാർ പരിപാടിക്ക് സ്വാഗതം ആശംസിക്കുകയും അനിത നന്ദി രേഖപ്പെടുത്തുകയും ചെയ്തു. ചടങ്ങിൽ നിരവധി വിദ്യാർത്ഥികളും രക്ഷിതാക്കളും പങ്കെടുത്തു.

Content Highlight: Kunnummakkara Service Cooperative Bank felicitates students who achieved outstanding success

#Latest News #Kunnummakkara Service Cooperative Bank #Vatakara