നാദാപുരം: (nadapuram.truevisionnews.com) നാദാപുരം മണ്ഡലത്തിലെ എൽഡിഎഫ് സ്ഥാനാർഥി അഡ്വ. പി വസന്തം വലിയ ആത്മവിശ്വാസത്തോടെ തന്റെ തിരഞ്ഞെടുപ്പ് പ്രചാരണ പരിപാടികളുമായി മുന്നോട്ട് പോവുകയാണ്.
കഴിഞ്ഞ ദിവസം മണ്ഡലത്തിന്റെ വിവിധ ഭാഗങ്ങളിൽ സജീവ സാന്നിധ്യമായ അദ്ദേഹം വോട്ടർമാരെ നേരിൽ കണ്ട് പിന്തുണ അഭ്യർത്ഥിച്ചു. വ്യാഴാഴ്ച രാവിലെ വാളുക്ക് മരിയഗിരി ചർച്ചിലെ പെസഹ വ്യാഴ ചടങ്ങുകളിൽ വിശ്വാസികൾക്കൊപ്പം പങ്കുചേർന്നുകൊണ്ടാണ് അദ്ദേഹം അന്നത്തെ പര്യടനം ആരംഭിച്ചത്.
തുടർന്ന് വരിക്കോളി, പയന്തോങ്ങ്, തുണേരി തുടങ്ങിയ സ്ഥലങ്ങളിലെ ഗൃഹപ്രവേശന ചടങ്ങുകളിലും മുടവന്തേരി, എടച്ചേരി, ആവോലം എന്നിവിടങ്ങളിൽ നടന്ന വിവാഹങ്ങളിലും അദ്ദേഹം നേരിട്ടെത്തി ആശംസകൾ അറിയിച്ചു.
വ്യക്തിപരമായ ബന്ധങ്ങൾ പുതുക്കിയും വോട്ടർമാരോട് സംവദിച്ചും നീങ്ങിയ പര്യടനം വൈകുന്നേരത്തോടെ പുറമേരിയിൽ നടന്ന ആവേശകരമായ തിരഞ്ഞെടുപ്പ് റാലിയോടെയാണ് സമാപിച്ചത്.
P. The campaign of spring continues
