#latest news #Orkattery #Ibon Hotel closed #stale food
ഓർക്കാട്ടേരി: (vatakara.truevisionnews.com) ആരോഗ്യ വിഭാഗം നടത്തിയ പരിശോധനയിൽ പഴകിയ ഭക്ഷണ പദാർഥങ്ങൾ പിടികൂടിയതിനെ തുടർന്ന് ഐബോൺ ഹോട്ടൽ അടപ്പിച്ചു. പരിശോധനയിൽ നൂറോളം പൊറോട്ട, കാലാവധി കഴിഞ്ഞ പാക്കറ്റ് പാലുകൾ, പഴകിയ ഫ്രൈഡ് ഒനിയൻ, പഴകിയ തൈര്, ദിവസങ്ങളോളം പഴക്കമുള്ള എണ്ണ എന്നിവ കണ്ടെടുത്തു.
വൃത്തിഹീനമായ ഫ്രീസറിലാണ് ഭക്ഷണ സാധനങ്ങൾ സൂക്ഷിച്ചത്. ഹോട്ടലിൽ ഉപയോഗിക്കുന്ന വെള്ളത്തിൽ നേരത്തെ കോളിഫോം ബാക്ടീരിയകളുടെ സാന്നിധ്യം കണ്ടെത്തിയിരുന്നു. വെള്ളം ഉപയോഗിക്കരുതെന്ന് നിർദേശമുണ്ടായിട്ടും പാലിച്ചില്ലെന്നും കണ്ടെത്തി. പഞ്ചായത്തിന്റെ ലൈസൻസ് ഇല്ലാതെയാണ് ഹോട്ടൽ പ്രവർത്തിക്കുന്നത്. ഓർക്കാട്ടേരി സാമൂഹികാരോഗ്യ കേന്ദ്രം ഹെൽത്ത് സൂപ്പർവൈസർ സുരേന്ദ്രൻ കല്ലേരിയുടെ നേതൃത്വത്തിലായിരുന്നു പരിശോധന.
Content Highlight: Orkattery Ibon Hotel closed due to stale food
