ഒത്തുചേർന്നു; ആയഞ്ചേരിയിൽ കുടുംബശ്രീ 'റിഥം 2026' ശില്പശാല സംഘടിപ്പിച്ചു

ആയഞ്ചേരി: (vatakara.truevisionnews.com) കുടുംബശ്രീ കോഴിക്കോട് ജില്ലാ മിഷനും ആയഞ്ചേരി സി.ഡി.എസ്സും സംയുക്തമായി പഞ്ചായത്ത് ഭരണസമിതി അംഗങ്ങൾക്കും സി.ഡി.എസ് ഭരണസമിതി അംഗങ്ങൾക്കുമായി ഏകദിന ശില്പശാല സംഘടിപ്പിച്ചു. 'റിഥം 2026' എന്ന് പേരിട്ടിരിക്കുന്ന ശില്പശാല ആയഞ്ചേരി കമ്മ്യൂണിറ്റി ഹാളിലാണ് നടന്നത്.

ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കിളിയമ്മൽ കുഞ്ഞബ്ദുള്ള ശില്പശാല ഉദ്ഘാടനം ചെയ്തു. വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ റജീന മിടിയേരി ചടങ്ങിൽ അധ്യക്ഷത വഹിച്ചു.

സി.ഡി.എസ് വൈസ് ചെയർപേഴ്സൺ രമ്യ സ്വാഗതം ആശംസിച്ചു. ഗോവിന്ദൻ മാസ്റ്റർ, രൂപ കേളോത്ത്, ദാമോദരൻ എന്നിവർ പരിപാടിക്ക് ആശംസകൾ അർപ്പിച്ചു സംസാരിച്ചു.

തുടർന്ന് ഭരണസമിതി അംഗങ്ങൾക്കായി നടത്തിയ പരിശീലന ക്ലാസുകൾക്ക് ജയൻ, ബിന്ദു, മോനിഷ എന്നിവർ നേതൃത്വം നൽകി. ശില്പശാലയെക്കുറിച്ചുള്ള അവലോകനവും അഭിപ്രായങ്ങളും ഷിജില പങ്കുവെച്ചു. ജനപ്രതിനിധികളുടെയും സി.ഡി.എസ് അംഗങ്ങളുടെയും സജീവ പങ്കാളിത്തം കൊണ്ട് ശില്പശാല ശ്രദ്ധേയമായി.

Content Highlight: Ayanchery Kudumbashree Rhythm 2026 Workshop Held for Panchayat and CDS Members

#Latest news #Ayanchery #Kudumbashree #Kozhikode #Kerala Panchayat