പുറമേരി: [nadapuram.truevisionnews.com] പുറമേരി ഗ്രാമപഞ്ചായത്തിൽ വരാനിരിക്കുന്ന തെരഞ്ഞെടുപ്പിന്റെ പശ്ചാത്തലത്തിൽ വാഗ്ദാനങ്ങളിലേക്ക് ഉൾപ്പെടുത്തേണ്ട ആവശ്യങ്ങൾ ജനങ്ങളിൽ നിന്ന് നേരിട്ട് ശേഖരിക്കുന്നതിനായി യുഡിവൈഎഫ് പഞ്ചായത്ത് കമ്മിറ്റി ജൻപ്ലസ് യാത്ര സംഘടിപ്പിച്ചു.
മുസ്ലിം ലീഗ് നേതാവ് സി.കെ. സുബൈർ യാത്രക്ക് തുടക്കം കുറിച്ചു. കെ.പി. അമീർ അധ്യക്ഷനായിരുന്നു. പഞ്ചായത്ത് മുഴുവൻ വിവിധ കേന്ദ്രങ്ങളിൽ ഒരുക്കിയ സ്വീകരണങ്ങളിൽ നിന്ന് നാട്ടുകാരുടെ നിർദ്ദേശങ്ങളും ആവശ്യങ്ങളും സമാഹരിക്കുകയുണ്ടായി.
ശേഖരിച്ച ആവശ്യങ്ങൾ പഠിച്ച ശേഷം തെരഞ്ഞെടുപ്പ് പ്രസ്താവനയിൽ ഉൾപ്പെടുത്തുമെന്ന് സംഘാടകർ അറിയിച്ചു. പല കേന്ദ്രങ്ങളിലൂടെ സഞ്ചരിച്ച യാത്ര അരൂരിൽ സമാപിച്ചു.
എം.കെ. ഭാസ്ക്കരൻ, എ.കെ. ഷമീർ, ആർ.കെ. റഫീക്ക്, എം.എ. ഗഫൂർ, ടി. കുഞ്ഞിക്കണ്ണൻ, കെ. മുഹമ്മദലി, മുഹമ്മദ് പുറമേരി, കല്ലിൽ മിഥുൻ, എ.പി. ജാഫർ, ജാഫർ നരിക്കാട്ടേരി, ജമാൽ കല്ലുമ്പുറം എന്നിവർ വിവിധ കേന്ദ്രങ്ങളിൽ പ്രസംഗിച്ചു.
UDYF's Janplus journey
